أنشطة تعليمية وترفيهية للكبار

عندك 16 سنة فيما فوق… حابب يبقي عندك مهارة معينة تساعدك جنب شغلك أو دراستك مع مكتبة مصر العامة هتتعلم مهارات متنوعة إختار منها المناسب لك هتلاقي… الأميجرومي – الدوبلاج – الماندالا – التطريز

– الرسم – الكروشيه – تحسين الخط العربي… الموسيقي علي آلة الجيتار والأورج ..التصوير الفوتوغرافي والكاريكاتير والشطرنج.

عندنا كافة المهارات اللي تناسب كل أفراد الأسرة وإليكم تفاصيل الأنشطة والورش التعليمية والترفيهية والثقافية أيضا في مكان واحد مكتبة مصر العامة الدقي.

ورش تعليم تحسين الخط العربي للأطفال بداية من سن 7 سنوات إلي 15 سنة

أطفالنا بنحب دائما يكونوا مميزين وسط أصحابهم وعشان بداية التميز بيبدأ بأبسط شي وهو الكتابة .. هنا لازم يكون خطه حلو يسهل قرائته وعشان يعمل كدا .. مكتبة مصر العامة عندها ورش تعليمية لتحسين الخط العربي للاطفال من أول سن 7 سنوات ومش بس كدا هيتعلم الحروف الهجائيه وإزاي يقدر يكون جمل يسيطة بخط رائع وطبعا إحنا عارفين انه لازم يتعلم علي إيد معلمين متميزين في الخط العربي وفي مكان مجهز بكل الأدوات ومدة التدريب ساعتين كاملين يعني هيخرج من عندنا أستاذ خط عربي 

•  

نشاط تحسين الخط العربي للكبار بداية من سن 16 سنة ( بالقلم الجاف العادي)

نشاط تحسين الخط العربي مش للأطفال وبس كمان للكبار عشان تقدر تحدد لنفسك مهارة خاصة بجانب دارستك أو عملك وكمان تفدر تتعلم أنواع خطوط أخري زي الديواني والثلث وغيرهم عشان يقدروا يساعدوك تبقي خطاط او معلم خط عربي او تقدر تزود مهاراتك وتستفيد في الخط العربي في أعمال الجرافيك والشعارات الخاصة بالشركات والمحلات التجارية وطبعا هتتعلم كل دا علي يد معلمين خطاطين متميزين في جو تعليمي متميز وبأسعار تنافسية رمزية جدا 

•  

نشاط تعليم الخط العربي الديواني للكبار

كل اللي حابب يتعلم مهارة جديدة تساندة جنب شغله أو دراسته ويقدر يستفيد بها في أعمال الجرافيك أو تبقي خطاط محترف مكتبة مصر العامة بتقدم نشاط تعليم الخط العربي الديواني للكبار بداية من سن 16 سنة هتتعلم أساسيات الخط العربي الديواني وكيفية الكتابة بقلم البوص أو الغاب أو البسط كلهم بنفس المعني وهو قلم خشب يضاهي أقلام الحبر بأسعار رمزية جداااا

ورش تعليم فن الرسم بالرصاص والألوان للكبار بداية من 16 سنة

باسكتش رسم ربع فرخ وأستيكة وبراية وكمان أقلام HB و 2B مع دكاترة من كليات فنون جميله هتتعلم إزاي تمسك القلم الرصاص وتحدد الظل والنور وتبدأ في رسم الطبيعة الخلابة وإيدك تتحرك بإنسيابية مع إسكتش الرسم هتلاقي نفسك علي أولي سلالم الفنان الناجح اللي بالممارسة والتمرين هتقدر تعرض لوحاتك في أكبر المعارض الفنية مع أستاذة كبار كل دا وأكتر هتتعلموا داخل أجواء تعليمية رائعة في مكتبة مصر العامة الدقي

نشاط التعليق الصوتي والدوبلاج للكبار بداية من سن 16 سنة فيما فوق

لكل واحد مننا نبرة صوت مميزة ومش بس كده كلنا بنحب كورة القدم ومعلقينها واللي مالوش في الكوره بيتفرج علي أفلام أنيميشن أو المسلسلات المدبلجة وأغلبنا بيحب يقلد الأصوات المميزة من المعلقين الرياضيين أو المذيعين… عشان تتعلم تبقي معلق صوتي يستخدموا صوتك في إعلان او مسلسل إذاعي أو حتي كارتوني مع مكتبة مصر العامة بالدقي هتعرف وتتعلم أساسيات طريق الوصول لتصبح معلق صوتي متميز مع مدربين متخصصين في المجال الصوتي وذو خبرة وبأسعار تنافسية رمزية جدا

ورش تعليم فن الكروشية للكبار

لغرز الكروشية حكايات جميلة تحكيها جدتك أثناء عمل لكلوك يدفي رجلينا من برد الشتا ولا الكوفيه اللي كانت يتحاكي عليها أصحابنا من جمال تفاصيلها والشغل المعمول بالايد الرااائع فيها …

مع مكتبة مصر العامة الدقي تقدر تخلي الذكريات الجميلة دي ممكن ترجعيها تاني وتتعلمي وتعملي حاجات جميله بإيديك لأولادك وبيتك مع خبراء في فن الكروشية هتقدر يبقي ليك مشروعك الخاص 

ورش تعليم فن الأميجرومي للكبار اللي عارفين يشتغلوا كروشية

الأميجرومي حكاية مش بس نشااط معاكإبرة كبيرة مقاس 4 وكمان يبقي معاك خيط تركي أو معاك خيط صوف… الإبرة والخيط مش عشان تظبط حاجه اتنتشت أو زرار هيقع ولا هنعمل صالون تفصيل وخياطة مكتبة مصر العامة هتعمل ورشة لفن التسلية وقضاء وقت الفراغ في شئ ممتع وجميل فن الأميجرومي لكل اللي عندهم 16 سنة فيما فوق و عارفين يشتغلوا كروشية مواعيدنا ثابتة وأسعارنا رمزية متميزة 

نشاط تعليم فن التطريز على الطارة للكبار بداية من سن 16 سنة فيما فوق

نشاط تعليم فن التطريز على الطارة بإبر تطريز خاصة عشان هتقدري تعرفي أساسيات التطريز وإزاي تعملي حاجات حلوه جدا تنفع تحطيها علي شنط اليد وكمان أنواع الجلد المختلفة وحاجات تانيه كتير مع أشطر مدربين التطريز .. مكتبة مصر العامة بالدقي أنشطتها تعليمية وترفيهية معا 

ورش تعليم فن السعادة والبهجة للكبار فن رسم وتلوين الماندالا

بقلم اسود وبرجل ومنقلة تلك الأدوات الهندسية البسيطة هترسم بيهم دوائر متداخلة في بعضها البعض لتكوين شكل فني رائع يساعدك هذا الشكل علي تفريغ كل شحناتك السلبية وبالأخص عند تلوينه حيث مع تلوين كل دائرة لوحدها بلون مختلف يطلع شكل جمالي رائع.. فن السعادة والبهجة الفن الهندي الجميل هتتعلم مع مكتبة مصر العامة أساسياته وفنون رسوماته أيضاً مع شباب رائع بارع في تعليم هذا الفن