أنشطة الأطفال لنصف العام 2020 مكتبة مصر العامة بالدقي

ورشة فن الماندالا للأطفال هنتعلم رسم الأشكال والدوائر الهندسية بأدوات الهندسة البسيطة مثل المنقلة والبرجل والمثلث … فن الماندالا من الفنون الحديثة وله دور كبير في تنمية مهارات كثيرة عند اللي بيمارسوه.. مكتبة مصر العامة كانت من أوائل الأماكن اللي بدأت تعليم في الماندالا في مصر والسنادي قررنا نعلم الاطفال كمان الفن العظيم ده في أجازة نص السنة للاطفال من 8 سنين لغاية 14 سنة..

ورشة فن الإتيكيت بيساعد الأطفال علي تعلم كيفية التعامل مع الضيوف عند أثناء الزيارة وكمان أثناء الأكل وحاجات تانية كتيرزي إزاي يتكلموا إزاي يتصرفوا في المواقف اللي بيعيشوها في حياتهم بطريقة سليمة  كلها تحت مسمى فن الإتيكيت.. مكتبة مصر العامة هتساعد كل أب وأم من خلال كورس متكامل للأطفال مع متخصصة في مجال التدريب السلوكي والحركي للأطفال.. نشاط فن الإتيكيت للاطفال من سن 6 سنوات لسن 15 سنة..

ورشة الحكي مع بعض هنتعلم إزاي نعلم الأطفال القراءة عن طريق حكي قصة من القصص الرائعة للأطفال حتي يتمكنوا من حب القراءة والتعود عليها القصص هي ” هل أنت زاحف ؟ — سارة والقطة البيضاء ؟ — من الببغاء — الأرنب النشيط — عربة السيرك — أسرتي الحبيبة — الدب الأنيق — عاقبة الجشع ..

فوائد ورشة الحكي للأطفال

أولاً : بتعزز مهارات الاستماع لإن الأطفال بتفضل عادةً إنهم يتكلموا عن إنهم يسمعوا وسمعاهم لحكايات مشوقة من متخصصين في المجال ده هيزود عندهم مهارات الإستماع والدراسات أثبتت أن الأطفال بيستوعبوا كثير جداً من الكلمات اللي هيستخدموها في حياتهم بعد كدة.

ثانياً : تحسين مهارات التواصل عند الطفل لإنه بيطور مهارات التواصل عنده وهو بيراقب التفاعلات اللي بتحصل بين الشخصيات في الكتب والقصص اللي بتتحكيله والتواصل بينه وبين الأطفال اللي معاه وسط الحكي وبينه وبين المتخصص اللي بيحكيلوا..

ثالثاً : تحسين مهارات التعاطف وتوسيع المدارك والخيال عند الطفل

رابعاً : ودي حاجة مهمة أوي إن الطفل بيزود رصيد المفردات عنده واللي هيحتاجها بعد كدة في دراسته وبتخلق عنده قاموس لغوي ومخزون من الكلمات والمفردات..

البازل لغة تعلم راااائعة للأطفال من خلالها بيعرفوا ألغاز جديدة وهنتعلم معلومات جميلة من خلال الألعاب

تعليم البازل ينمي٣ مهارات أساسية هم

1- المهارة الذهنية: إزاي يحل تعقيدة البازل ويكون الرسمة.

2- المهارة العضلية: إنه يفضل يحاول إنه يركب القطعة من كل زاوية لغاية ما يلاقي الزاوية الصحيحة اللي بتركب على القطعة السابقة.

3- المهارة العاطفية: من تعلم الصبر ومتعة الإنجاز نتيجة صبره بعد حل البازل.

ورشة الشطرنج للأطفال عشان إبنك يقوي ذاكرته عن طريق اللعب ويبقي بطل من أبطال الجمهورية

ورشة تعليم الرسم للأطفال هنلون ونرسم ونشخبط بس بشكل محترف وجميل عشان نحط رجل أولادنا علي أول سلمة من سلالم الفن

• 

• 

كل واحد مننا أجازة نص السنة كانت بالنسباله وهو صغير الفرصة اللي يروح يتعلم فيها هوايات جديدة ينمي بيها عقله ويشغل بيها وقت فراغه.. ولازم نوفر الفرصة دي كمان لأطفالنا إنهم يستفيدوا السنادي بأجازة نص السنة في حاجات مفيدة وممتعة ليهم.. وعلشان كدة مكتبة مصر العامة وفرت برنامج متكامل من الورش الفنية المخصصة للأطفال من سن 6 سنوات لسن 12 سنة .. ورش متنوعة وأسعارها في متناول كل أب وأم..

تعليم اللغة للاطفال من الحاجات الأساسية اللي بيحاول كل أب وأم يوصلوا بأطفالهم لمستوى ممتاز فيه من وهما صغيرين علشان مستقبلهم .. مكتبة مصر العامة من الأماكن اللي بدأت أنشطة تعليم اللغات للأطفال من 25 سنة وخلال السنين دي كان في قاعدتين مهمين جداً مبيتغيروش القاعدة الأولى هي إن محتوى الأنشطة التعليمي يكون تفاعلي بيعتمد على تفاعل الأطفال وحصولهم على جرعة كبيرة من المرح يحبوا من خلاله اللغة ويمارسوها بشكل مستمر.. ثاني قاعدة إن سعر النشاط يكون في متناول كل أب وأم مهتمين بمستقبل أطفالهم.. في أجازة نص السنة وفرنا أعداد محدودة في دورات اللغة الإنجليزية للأطفال..

• 

تعليم اللغات وبالأخص اللغة الإنجليزية للأطفال من صغرهم بتفرق معاهم كتير فالتعليم في الصغر كالنقش علي الحجر .. مع مدربين أكفاء هيتعلموا اللغة الإنجليزية بطرق مختلفة شيقة ممتعة